Жаңалықтар

Astana International University шетелдік студенттерге арналған арнайы ұсынысты іске қосады:
🎓 Барлық қазақстандық білім беру бағдарламаларына 50% жеңілдік
🌍 BLCU және UIBE жетекші университеттерімен бірлескен қос дипломды бағдарламаларға арналған арнайы шарттар

Біз шетелдік студенттерге арналған бәсекеге қабілетті академиялық орта ұсынамыз, мұнда:

• Халықаралық білім беру стандарттары
• Қабылдаудан бастап бейімделуге дейін толық қолдау
• Негізгі бағыттар бойынша ағылшын тілінде оқыту
• Қазақстанның дамып жатқан астанасында жайлы өмір мен оқу ортасы

AIU - бұл ғана университет емес. Бұл - жаһандық мансаптың бастау алаңы.

📩 Бағдарламалар, жеңілдіктер және қабылдау шарттары туралы толық ақпарат келесі байланыс деректері арқылы қолжетімді.

 Call center: +7 (7172) 47-66-77  +7 (771) 929-02-30

WhatsApp: +7 (705) 982-62-99

Жоба атауы:
«Prunus, Sibiraea және Rosa (Rosaceae) тектес өсімдіктердің Қазақстандағы таралуы мен дамуын геоэкологиялық және молекулалық-генетикалық бағалау, мониторингі»

Қазақстанда бірегей ғылыми жоба бастау алды!
Astana International University жанындағы "NatureLaB" зертханасы Алтай, Тарбағатай, Мұғалжар және Батыс Тянь-Шань тауларында өсетін Rosa, Prunus және Sibiraea тектес сирек әрі эндемикалық өсімдіктерді зерттеуге кірісті.

Жоба аясында заманауи әдістер кешені қолданылады: ДНҚ-талдау мен секвенирлеу, NDVI спутниктік мониторингі, өсімдіктер физиологиясын бағалау, ареалдарды модельдеу (MaxEnt, QGIS).
Жобаның мақсаты - сирек популяциялардың генетикалық және экологиялық жағдайын жан-жақты бағалау, олардың сыртқы орта факторларына бейімделу деңгейін анықтау және ғылыми негізделген сақтап қалу бойынша ұсыныстар әзірлеу.

Зерттеу нәтижелері NCBI, GBIF, iNaturalist сияқты халықаралық ғылыми базаларда жарияланып, жетекші ғылыми журналдарда жарық көреді.
Жоба жетекшісі - PhD, Astana International University-дің қауымдастырылған профессоры Талант Самарханов.

Жаңалықтардан хабардар болыңыз - ғылым Қазақстан табиғатының жүрегінде басталады!

Ғылыми ой мен құқықтық бастаманың жеңісі!
Қазақстан Республикасы Ғылым және жоғары білім министрлігі ұйымдастырған ғылыми зерттеулерге арналған гранттық қаржыландыру байқауында Астана халықаралық университетінің Жоғары құқық мектебінің аға оқытушысы Ибраев Алишер жеңіске жеткенін зор мақтанышпен хабарлаймыз!

Жоғары бағаға ие болған бұл жоба қазіргі құқықтық дискурстың аса өзекті мәселелерінің бірі - жерге меншік құқығын, пайдалану және иелік ету құқығын тиімді қорғауға арналған. Экономикалық өзгерістердің қарқыны артқан, аграрлық салада инвестициялық белсенділік өскен және табиғи ресурстарды тұрақты басқаруға деген сұраныс күшейген қазіргі кезеңде бұл тақырып стратегиялық маңызға ие болып отыр.

Зерттеудің негізгі бағыты - құқық қолдану тәжірибесіне терең талдау жасау, қолданыстағы заңнаманың осал тұстарын анықтау және оны жетілдіруге бағытталған негізделген ұсыныстар әзірлеу.
Ерекше назар жер даулары бойынша шығарылған сот шешімдерін зерделеуге аударылады. Бұл зерттеу жер иелері мен жер пайдаланушылардың құқықтарын қорғаудың нақты механизмдерін ашуға, сондай-ақ құқықтық кепілдіктерді күшейтуге бағытталған тиімді заң құралдарын ұсынуға мүмкіндік береді.

Жоба нәтижелері Қазақстанның ұлттық құқықтық жүйесін дамытуға елеулі үлес қосып, азаматтардың сот арқылы қорғалу деңгейін арттыруға, әрі жер қатынастарын реттеудің әділ, ашық әрі тұрақты моделін қалыптастыруға ықпал етеді деп күтілуде.

Жасанды интеллект өміріміздің барлық салаларына нық қадаммен еніп жатыр.
Қазір «Жасанды интеллект адамды алмастырмайды, жасанды интеллектіні қолдана білетін адамдар оны қолданбайтындарды алмастырады» деген тұжырым аксиомаға айналды.

Болашақ ұрпақтарымыз - оқушылар мен студенттер - бәсекеге қабілетті болуы үшін ЖИ құралдарының мүмкіндіктерін толық меңгеруі қажет. Ал оларды бұл бағытта кім үйретеді? Әрине, әлеуметтік орта, отбасы және ең бастысы - ұстаздар. Ал ұстаздардың өздерін де ЖИ-ді өмірде және педагогикалық қызметте қалай тиімді қолдану керектігіне үйрету қажет.

Жасанды интеллектіні ойланбай, жүйесіз пайдалану ұстаз бен оқушының интеллектуалды дамуына зиян тигізуі мүмкін. Бұл - сыни ойлау мен мәселе шешу дағдыларының төмендеуіне, ЖИ-ге шамадан тыс тәуелділікке алып келеді. Егер ЖИ үнемі дайын жауап пен шешімді ұсынып отырса, адамда өз бетімен ойлау, ақпаратты талдау, шешім табу дағдылары дамымай қалады. Сонымен қатар, ЖИ өз шешімдерінің логикасын түсіндірмей тұжырым ұсынуы мүмкін. Бұл адамға нәтиженің қалай алынғанын түсінуге кедергі келтіріп, аналитикалық қабілетін тежейді. Кей кездері ЖИ шындықты бұрмалап, жалған, толық емес немесе бұрыс ақпарат ұсынуы мүмкін.

Бұған қоса, ЖИ-ге шамадан тыс тәуелділік адамның жады мен оқу қабілеттерін әлсіретеді, когнитивті функцияларын төмендетеді, пәнді терең түсінуге және білімді орнықты меңгеруге кедергі келтіреді, шығармашылық пен танымдық белсенділікті азайтып, әлеуметтік-эмоционалдық деградацияға, эмоциялық интеллект пен эмпатияның төмендеуіне әкеледі.

Мұның алдын алу үшін ЖИ-мен жұмыс істеуде ғылыми негізделген, жүйелі тәсіл қажет. Жасанды интеллект адам мүмкіндіктерін кеңейтетін құрал ретінде қолданылуы тиіс, бірақ адамды алмастырушы ретінде емес.

Бүгінге дейін ЖИ негізінде болашақ мұғалімдердің сыни ойлауын дамытуға бағытталған зерттеулер болған жоқ.

Осы мәселені шешу үшін Астана халықаралық университетінің ғалымдары гранттық қаржыландыруға ие болды. «Болашақ информатика мұғалімдерінің сыни ойлауын ЖИ құралдары негізінде дамыту» жобасы Педагогикалық институттың доценті, педагогика ғылымдарының кандидаты Дамекова Сәуле Қайроллақызының жетекшілігімен жүзеге асады.

Жобаның мақсаты - болашақ информатика пәні мұғалімдерінің сыни ойлауын дамытуға бағытталған білім беру модульдері мен ЖИ симуляторларын әзірлеп, оларды университеттің оқу процесіне енгізу және олардың тиімділігін бағалау.

Сонымен қатар, ЖИ негізінде инновациялық білім беру симуляторын жасап шығару жоспарланған. Бұл құрал болашақ информатика мұғалімдерінің сыни ойлау дағдыларын және мектепте осы дағдыны оқыту әдістерін меңгеруін қамтамасыз етеді.

Жоба Нью-Йорк қаласындағы Колумбия университетінің ғалымдарымен бірлесіп жүзеге асырылады. Бұл халықаралық тәжірибені әдістемелік жүйеге енгізуге мүмкіндік береді. Жобаның нәтижелері басқа елдердің білім беру бағдарламаларына да бейімделіп, енгізілуі мүмкін. Бұл өзара тәжірибе алмасу мен халықаралық серіктестікке жол ашады.

Жобаның нәтижелерін кең ауқымда қолдануға болады:

·         Білім беру саласында: әзірленген білім беру модульдері мен ЖИ симуляторы педагогикалық жоғары оқу орындарының бағдарламасына енгізілуі мүмкін.

·         Ғылымда: жобаның нәтижелері білім беру технологиялары, педагогика және ЖИ саласындағы ғылыми зерттеулерге негіз бола алады. Бұл саладағы зерттеулер жаңа алгоритмдер мен әдістердің пайда болуына, ЖИ-дің білім беру саласындағы мүмкіндіктерінің кеңеюіне, тиімді, қолжетімді және әділетті білім беру жүйелерінің құрылуына алып келуі мүмкін.

Жаһандық әлемнің алдыңғы шебінде: Қазақстан - жаңа дипломатияның орталығы

Астана Халықаралық университеті Жоғары құқық мектебінің доценті, Ph.D. Шолпан Алтынбекқызы Саймова жетекшілік ететін стратегиялық маңызы зор ғылыми жоба іске қосылды.
Жобаның тақырыбы:
«Халықаралық медиациялық хаб - қақтығыстарды бейбіт жолмен шешу мен ядролық қарусыздандыруды ілгерілетудің құралы: Қазақстан мен шетел тәжірибесі».

Украинадағы соғыс пен Таяу Шығыстағы шиеленіс сияқты жаһандық дағдарыстар жағдайында бейбіт келісім форматын іздеу - аса өзекті әрі өмірлік маңызды мәселе.
Осы тұрғыда ядролық қарусыздану жолын тарихи тұрғыда таңдаған Қазақстан бүкіл әлемдік қауымдастық үшін моральдық және құқықтық бағдар ретінде алға шығады.

Жоба - халықаралық құқық, дипломатия және қақтығыстану салаларын біріктіретін пәнаралық зерттеу.
Мақсаты - Халықаралық медиациялық хабтың тұжырымдамасын жасап шығару арқылы бейбіт реттеу мен жаһандық қарусызданудың жаңа архитектурасын құру.
Сәтті тәжірибелерді саралау, сценарийлерді модельдеу және нақты ұсыныстар әзірлеу арқылы жоба тобы халықаралық күн тәртібіне нақты ықпал етуді көздейді.

Бұл - ғылымға қосқан үлес қана емес. Бұл - халықаралық қақтығыстар логикасын өзгерте алатын интеллектуалдық бастама.
Қазақстан бейбітшілік пен қауіпсіздік жолындағы жаһандық шешімдердің бастамашысы ретінде тағы да танылып отыр.

Зерттеу грантын жеңіп алуымен Шолпан Алтынбекқызын шын жүректен құттықтаймыз!

Әлемде әлеуметтік кәсіпкерліктің үлесі жалпы кәсіпорындардың шамамен 3-4% құрайды. Бұл салада АҚШ (5%) пен Ұлыбритания (7%) көш бастап тұр. Қазақстанда бұл көрсеткіш 1%-дан аз. Бүгінде әлеуметтік кәсіпкерлік – азаматтарды экономикаға тартудың және инклюзивті жұмыспен қамту түрлерін дамытудың тиімді құралы болып отыр.

Astana International University әлеуметтік кәсіпкерлікті дамыту мен әлеуметтік осал топтардың мәселелерін шешу миссиясын өз мойнына алды.

Біз - ТМД, Орталық Азия және Қазақстан Республикасы аумағында әлеуметтік кәсіпкерлерді даярлауды жүзеге асырған алғашқы жоғары оқу орнымыз. 2021-2024 жылдар аралығында Astana International University ҚР Ақпарат және қоғамдық даму министрлігінің грантын ұтып алып, "Өрелі ұрпақ" әлеуметтік кәсіпкерлік мектебі - ҮЕҰ Академиясы жобасын іске асырды. 2022 жылы алғашқы әлеуметтік кәсіпкерлік мамандығы бойынша магистр түлектерімізді шығардық. Қазіргі таңда Astana International University - Қазақстандағы алғашқы әрі жалғыз әлеуметтік инновациялық хабтың серіктес-қауымдасқан қатысушысы.

Біз әлеуметтік кәсіпкерлік саласындағы өзекті мәселелерді ғылыми тұрғыдан алғаш болып зерттей бастадық. Алғашқы ғылыми жоба Қазақстандағы әлеуметтік осал топтардың жұмыспен қамтылу мәселелеріне арналды (ҒФ 2023–2025 жж.). Әлі де өзекті болып отырған мәселе - мүгедектігі бар адамдарды жұмыспен қамту. БҰҰ деректеріне сәйкес, тіпті дамыған елдерде де мүгедектігі бар адамдардың тек 30-50% ғана жұмыспен қамтылған. Қазақстанда бұл проблема анағұрлым күрделі, себебі бұл топтағы адамдардың жұмыссыздығы олардың әлеуметтік оқшаулануын және экономикалық теңсіздігін тереңдете түседі.

Қазақстанда алғаш рет “Мүгедектігі бар адамдарды еңбек нарығына интеграциялау: еңбекке бейімдеудің кешенді бағдарламасын әзірлеу” ғылыми жобасы ҚР Ғылым және жоғары білім министрлігінің 2025-2027 жылдарға арналған гранттық қолдауын алды. Бұл жоба мемлекет пен қоғам үшін стратегиялық маңызды екендігін көрсетеді.

Жобалық топ құрамында ғылыми жетекші, э.ғ.к., PhD Смағұлова З.К., PhD Оқутаева С.Т., PhD Байбаш Г.К., магистр, Қазақстандағы әлеуметтік кәсіпкерлер қауымдастығының негізін қалаушы Асқаров Е.Х. бар. Топтың мақсаты - мүгедектігі бар адамдарды еңбекке бейімдеудің кешенді бағдарламасын әзірлеп, Қазақстанда оны сынақтан өткізу. Бұл бағдарлама жұмыс берушілерді оқытуды, мүгедектігі бар үміткерлерді еңбек қызметіне дайындауды және менторлық қолдауды қамтиды.

Бұл жай ғана зерттеу емес - бұл халықаралық стандарттар мен әлемдік үздік тәжірибелерге негізделген әлеуметтік саясатты өзгертудің нақты құралы.

Білім беру бағдарламаларының аккредитациядан өтуі - оқытудың халықаралық және

ұлттық сапа стандарттарына сәйкес екенiн таныту. Студенттер үшiн бұл мынадай мағынаны

білдіреді: кәсiпкерлiк қауымдастықтар мен жұмыс берушілер тарапынан мойындалған

бағдарламалар бойынша оқу; еңбек нарығында жоғары беделге және сұранысқа ие диплом;

академиялық және мансаптық мүмкіндіктердің артуы; білім беру үдерісінің, оқытушы

құрамының және оқу ресурстарының сапасына сенімділік.

2025 жылы Экономика жоғары мектебі тәуелсіз білім сапасын аккредитация және сараптау агенттігі ARQA арқылы 11 білім беру бағдарламасын сәтті аккредитациядан өткізді.

Барлық бағдарламалар 5 жыл мерзімге аккредитация алды, бұл экономика, менеджмент және

бизнес саласындағы мамандарды даярлаудың тұрақты сапасы мен өзектілігін растайды.

Жоғары мектептің аккредитациядан өткен бағдарламаларының тізімі: 6В04102 -

Қаржы; 6В04111 - Маркетинг; 6В04114 - Менеджмент; 6В04117 - Экономика; 6В04122 -

Халықаралық бизнес; 7М04101 - Өнеркәсіп экономикасы; 7М04106 - Менеджмент; 7М04109

- Стратегиялық басқару және көшбасшылық (EMBA); 8D04101 - Өнеркәсіп экономикасы;

8D04103 - Білім беру менеджменті; 8D04104 - Менеджмент.

Аккредитациядаң өткен бағдарламаларды таңдау - сенімді болашақты таңдау!

Қытай Коммунистік партиясы Орталық комитетінің әлеуметтік жұмыс жөніндегі бөлім меңгерушісінің орынбасары (вице-министр дәрежесінде) Цай Лисинь ханым бастаған делегация Астана  Халықаралық университеті (AIU) базасында жұмыс істейтін Бейжің тіл және мәдениет университетінің (BLCU) филиалына ресми сапармен келді. Іс-шараға сондай-ақ ҚХР-дың Қазақстан Республикасындағы Төтенше және Өкілетті Елшісі қатысты.

Сапардың мақсаты - Қазақстандағы BLCU филиалының қызметімен танысу және оның болашақ даму перспективаларын талқылау. Кездесу барысында тараптар филиалдың білім беру бағдарламаларының сәтті іске асырылып жатқанын, қытай тіліне деген қызығушылықтың тұрақты өсіп келе жатқанын, сондай-ақ екі ел арасындағы академиялық және мәдени байланыстардың белсенді дамып келе жатқанын атап өтті.

Қытай делегациясының басшысы Қазақстан мен Қытайдың жастар ұйымдары арасындағы тұрақты байланыстарды нығайтуға, жас мамандарды халықаралық волонтерлік қозғалысқа тартуға және әлеуметтік жұмыс саласындағы кадрлардың біліктілігін арттыруға қызығушылық білдірді.

AIU президенті Серік Ирсалиев екі ел арасындағы жастар алмасуын кеңейту бастамасын қолдап, университеттің волонтерлік ұйымдарының халықаралық жобаларға, соның ішінде Қытай серіктестерімен ынтымақтастыққа қатысуына жан-жақты қолдау көрсетуге дайын екенін білдірді.

Аталған сапар Қазақстан мен Қытай арасындағы білім беру, мәдениет және жастар бастамалары саласындағы стратегиялық әріптестікті нығайту жолындағы маңызды қадам болды.

2025 жылғы 25 маусым мен 9 шілде аралығында AIU, UIBE (Пекин) және Jiangsu Ocean University (JOU, Ляньюньган) университеттері арасындағы серіктестік аясында «Халықаралық бизнес» қос дипломды білім беру бағдарламасы студенттеріне арналған жыл сайынғы жазғы мектеп ұйымдастырылды. Жазғы мектеп бағдарламасы білім беру, мәдени және практикалық блоктардан тұрды және халықаралық академиялық ынтымақтастықты нығайтуға, студенттердің кәсіби құзыреттері мен тілдік дайындықтарын дамытуға бағытталды.

Жазғы мектеп Пекин қаласында басталды, онда студенттер Қытай астанасының мәдени нысандарымен танысып, Тілдік білім беру және ынтымақтастық орталығына барды. Одан әрі бағдарлама Ляньюньган қаласында жалғасын тапты, мұнда трансшекаралық электрондық коммерция, цифрлық маркетинг, өнімдерді жылжытуда тікелей эфирлер мен жасанды интеллектіні пайдалану, видеоконтент жасау және нақты e-commerce кәсіпорындарының жұмысын зерттеу тақырыптарына арналған дәрістер, шеберлік сабақтары мен практикалық жұмыстар өткізілді. Бағдарлама аясында командалық жұмыс, креативті ойлау және мәдениетаралық коммуникация дағдыларын дамытуға ерекше көңіл бөлінді. Бұл бағытта топтық жобалар, спорттық іс-шаралар және күнделікті практикалық қытай тілі сабақтары маңызды рөл атқарды. Бағдарлама қорытынды жобаларды қорғау, халықаралық жастар диалогы және сертификаттар тапсыру рәсімімен аяқталды.

Жазғы мектепке қатысу студенттерге халықаралық бизнес саласындағы білімдерін кеңейтуге, электрондық коммерция бойынша құнды тәжірибе алуға, сондай-ақ ағылшын және қытай тілдерін меңгеру деңгейін арттыруға мүмкіндік берді. Келесі жылғы жазғы мектепке қатысатын студенттерімізді асыға күтеміз!

2025 жылғы 8 шілдеде Алматы-Қазақстан Республикасы Ғылым және жоғары білім министрлігі жанындағы Жоғары білім беруді дамытудың ұлттық орталығында Орталықтың ресми веб-сайтының бета-нұсқасын жасау бойынша конкурстың қазылар алқасының қорытынды отырысы өтті. Байқауға еліміздің жетекші жоғары оқу орындарының студенттік командалары қатысты.

Бағалаудың негізгі критерийлері::

• техникалық тапсырмаға сәйкестігі
• қамтамасыз ету
• ақпараттық қауіпсіздік функционалдығы
•  заманауи дизайн
• шығармашылық шешімдер және қосымша функцияларды енгізу

Талқылау нәтижелері бойынша жеңімпаздар анықталды.:

1 орын-Астана Халықаралық университетінің командасы

2 орын-Астана Ақпараттық технологиялар университетінің командасы

3 орын-Алматы энергетика және коммуникациялар университетінің командасы. Ғұмарбек Дәукеев

2025 жылғы 11 шілде күні сағат 11:00-де Астана Халықаралық Университетінің бизнес

инкубаторы мен «MG First» консалтингтік компаниясы бірлесіп, кәсіпкерлерге қолданыстағы

және жаңа қолдау құралдары, гранттық қаржыландыру мен басқа да бағдарламалар туралы

ақпарат беру мақсатында вебинар өткізеді. Инкубациялық бағдарламаларымыздың

қатысушыларын асыға күтеміз!

Негізгі спикерлер:

1. ForteBank өкілдері – Тақырыбы: «ШОБ-ты қолдау құралдары»

2. «QazInnovations» Ұлттық Агенттігінің өкілдері – Тақырыбы: «Гранттық өтінімдер

жібергенде жиі кездесетін қателіктер»

3. Астана қаласы кәсіпкерлер палатасы – Тақырыбы: «Бизнес бастау және дамытуға

арналған гранттар»

4. Ғылым қорының өкілдері – Тақырыбы: «Ғылым қоры гранттары туралы»

5. Астана Халықаралық Университетінің бизнес инкубаторының өкілдері – Тақырыбы:

«Инкубациялық бағдарламалар және өзге қолдау шаралары»

6. «MG First» консалтингтік компаниясының негізін қалаушы және директоры Мадина

Пирманова – Тақырыбы: «Инвесторға арналған тизер дайындау»

2025 жылғы 30 маусымда Астанадағы Бейжің тіл және мәдениет университетінің (BLCU Kazakhstan) филиалында Foundation бағдарламасының алғашқы түлектеріне сертификат табыстау салтанаты өтті. Бұл оқиға филиалдың алғашқы оқу жылының аяқталуын білдіріп, Қазақстан мен Қытай арасындағы білім беру әріптестігінің маңызды кезеңіне айналды.

BLCU Kazakhstan 2024 жылғы 3 шілдеде Астана халықаралық университетінің (AIU) базасында ашылды және бір жыл ішінде жоғары нәтижелер көрсетіп үлгерді. Foundation бағдарламасына қабылданған 100 студенттің 85-і оқуын сәтті аяқтады, ал 55 студент қорытынды емтихандарда үздік нәтиже көрсетіп, келесі екі дипломды бакалавриат бағдарламасы бойынша оқуын жалғастыруға мүмкіндік алды:

·         6В01711 — «Ағылшын және қытай тілдері (оқыту бағыты)»

·         6В02303 — «Аударма ісі: қытай тілі»

Foundation бағдарламасы студенттер үшін тек академиялық баспалдақ қана емес, кәсіби және мәдени дамудың берік іргетасына айналды. Бір оқу жылы ішінде студенттер қытай тілін терең меңгеріп, Қытайдың мәдениеті мен дәстүрлерімен танысты, әрі болашақта білімін жалғастыру үшін қажетті көшбасшылық және академиялық дағдыларды қалыптастырды.

Салтанатты шара барысында түлектерге жылы лебіздерін білдіргендер:

·         Астана халықаралық университетінің президенті Серік Азтаевич Ирсалиев екі ел арасындағы білім беру ынтымақтастығының маңыздылығын атап өтіп, болашақ мамандарды тәрбиелеудің маңызын жеткізді;

·         BLCU филиалының қытайлық директоры Лю Сяньцянь Бейжіңдегі BLCU ректоры Дуань Пэнның құттықтау хатын оқып берді және түлектердің BLCU халықаралық отбасының бір бөлігі екенін атап өтті;

·         Астана халықаралық университетінің вице-президенті Қайрат Амангелдіұлы Абдрахманов халықаралық әріптестіктің және түлектердің Қазақстан мен Қытай арасындағы байланысты нығайтудағы рөлін ерекше атап өтті;

·         BLCU филиалының қазақстандық директоры Сауле Ерденқызы Қошанова оқу жылының қорытындысын шығарып, оқытушыларға кәсібилігі үшін, студенттерге білімге деген құштарлығы мен табандылығы үшін алғыс білдірді.

Шара барысында ерекше үлгерім көрсеткен үздік студенттер мен белсенділер марапатталды. Солардың ішінде Камалиев Нуртас ерекше атап өтілді — ол жоғары академиялық және көшбасшылық қасиеттерін көрсетіп, Қытайдың екі жетекші университетінен бірден грант иеленді.

Іс-шара аясында студенттерге арналған мәдени-танымдық сапарлар туралы жарияланды:

·         4-10 шілде аралығында үш үздік студент Циндао қаласында қытай мәдениетін тереңдетіп зерттеу бағдарламасына қатысады;

·         11-17 шілде аралығында үздік студенттер Қытайдың Синьцзянь өлкесінің мәдениеті және тарихымен танысуға аттанады;

·         27 шілдеден 21 тамызға дейін 30 студент Хайнань аралындағы BLCU кампусында қытай тілінен қарқынды курс өтеді.

Филиал алғашқы оқу жылында ғылыми, білім беру және мәдени шаралар алаңына айналды: форумдар, семинарлар, кәсіптік бағдарлау кездесулері, қазақстандық және қытайлық делегациялардың сапарлары, мәдени фестивальдер мен қытай тілінен олимпиадалар ұйымдастырылды.

Foundation бағдарламасының алғашқы түлектері BLCU Kazakhstan-ның табысты бастамасының жарқын дәлелі болды. Көптеген түлектер Қазақстан мен Қытайда білім алуды біріктіретін «3+1» бакалавриат бағдарламасын жалғастыруға дайындық үстінде.

Филиал алдағы уақытта халықаралық коммуникация, аударма және қытай тілін оқыту салаларындағы болашақ мамандарды дайындау үшін академиялық және халықаралық мүмкіндіктерін кеңейтуді жалғастырады.

BLCU Kazakhstan филиалының ашылуы мен дамуына қолдау білдіргені үшін Қазақстан Республикасының Ғылым және жоғары білім министрі Саясат Нұрбекұлына, Қазақстанның Қытайдағы Төтенше және Өкілетті Елшісі Шахрат Шәкизатұлы Нұрышевке және Қытайдың Қазақстандағы Елшілігіне алғысымызды білдіреміз!

Барлық түлектерді шын жүректен құттықтаймыз және келесі білім кезеңінде сәттілік тілейміз!