Жаңалықтар

2025 жылғы 21 ақпанда сағат 15:00-де "8D05203 Биоэкология" білім беру бағдарламасы бойынша философия докторы (PhD) дәрежесін алу үшін Шынар Тілеудақызы Тустубаеваның докторлық диссертациясын талқылау бойынша Астана Халықаралық университетінің Ғылыми-техникалық кеңесінің (ҒТК) кеңейтілген отырысы өтеді.

Диссертация тақырыбы: «Тарбағатай» мемлекеттік ұлттық табиғи паркі флорасының Rosaceae Juss. тұқымдасының экологиялық-биологиялық ерекшеліктері».

Өтетін орны: №207 аудитория, Астана Халықаралық университетінің №1 корпусы.

Ғылыми кеңесшілері:

1. Мырзагалиева Анар Базаровна – биология ғылымдарының докторы, Астана халықаралық университеті жаратылыстану ғылымдары Жоғары мектебінің профессоры;

2. Туруспеков Ерлан Кенесбекович – биология ғылымдарының кандидаты, Қазақстан Республикасы Ұлттық Ғылым академиясының академигі, ҚР ҒЖБМ ҒК «Өсімдіктер биологиясы және биотехнологиясы институты» молекулалық генетика зертханасының меңгерушісі;

3. Габор Шрамко (Gabor Sramko) – PhD, Дебрецен университетінің ботаника департаментінің эволюциялық геномиканы зерттеу тобының жетекшісі (Дебрецен, Венгрия).

Рецензенттер:

1. Жаманғара Айжан Қашағанқызы – биология ғылымдарының кандидаты, Астана Халықаралық университетінің жаратылыстану ғылымдары Жоғары мектебінің профессоры м.а.; 

2. Избастина Клара Сержанкызы – PhD, С.Сейфуллин атындағы Қазақ агротехникалық зерттеу университетінің «Биология, өсімдіктерді қорғау және карантин» кафедрасының қауымдастырылған профессоры.  

Қорғау тілі: орыс.

Ағымдағы жылдың 17 қаңтарында AIU-да Қазақстан Республикасындағы Эстонияның Төтенше және Өкілетті Елшісі Яап Ора мырза студенттерге қызықты және мазмұнды дәріс өткізді. Іс-шара "Астана" дипломатиялық клубы және AIU-дың Халықаралық ынтымақтастық және тұрақты даму орталығы аясында ұйымдастырылды.

«Estonia in the World» атты дәріс «Халықаралық қатынастар» және «Аударма ісі» бағыттары бойынша білім алатын студенттерге арналды және халықаралық қатынастардың өзекті мәселелерін қозғады. Бұл тақырыптар өңірлік және жаһандық деңгейдегі саяси және экономикалық жағдайларға ықпал етеді.

🌐 Дәрістің негізгі тақырыптары:

• Қазіргі халықаралық жағдайдағы Молдова Республикасының геосаяси перспективалары.
• 💭 Еуразия кеңістігіндегі қақтығыстардың экономикалық және саяси салдары.
• 🚢 Қазақстан мен Балтық елдері арасындағы ынтымақтастық — Балтық теңізі арқылы экспорт, әуе қатынасын дамыту мүмкіндіктері.
• ⚖️ Халықаралық құқық арқылы қақтығыстарды шешу — қазіргі әлемдік оқиғалардан үйренетін сабақтар.

Яап Ора мырза Эстонияның шағын мемлекет бола тұра, әлемдік саясатқа айтарлықтай ықпал ететін ел екенін атап өтті. Ол халықаралық байланыстардың маңыздылығын және дипломаттардың жаһандық мәселелерді шешудегі рөлін ерекше көрсетті.

📚 Бұл дәріс не үшін маңызды болды?
Студенттер халықаралық үдерістердің және қатынастардың болашақты қалай қалыптастыратынын түсініп шықты. Бұл – жаһандық мәселелерге белсенді араласып, өзгерістерге ұмтылу қажеттілігін еске салу!

Ағымдағы жылдың 17 қаңтар күні BLCU Kazakhstan кампусы Astana International University базасында, Қазақстан Республикасындағы Қытай Халық Республикасының Төтенше және Өкілетті Елшісі Хань Чуньлинь мырзаның қатысуымен маңызды кездесу өтті.

✔️ Кездесуге ҚХР Елшілігінің делегация мүшелері: ақпарат және қоғамдық дипломатия департаментінің директоры Ли Гуанцзо, білім беру мәселелері жөніндегі басшы Фан Чао, елшінің хатшысы Чжоу Хуань және елшіліктің атташесі Цянь Мосинь қатысты.

🔻 Кездесудің алғашқы минуттарынан бастап кампуста шабыт пен өзара құрмет атмосферасы байқалды. Бағдарлама экскурсиядан басталды: қонақтар заманауи оқу аудиторияларын және қытай тілін оқуға арналған лингафон кабинеттерін аралап шықты.

🔹 Кездесу барысында білім беру саласындағы ынтымақтастықтың негізгі мәселелері талқыланды:

• Қытайда білім алуға ниетті қазақстандық студенттер үшін қосымша гранттар бөлу;
• Техникалық, ғылыми және инженерлік салаларда сұранысқа ие жоғары білікті мамандарды дайындау үшін білім беру бағдарламаларын дамыту;
• Студенттер мен оқытушыларға арналған алмасу бағдарламаларын, тағылымдамаларды және ғылыми-зерттеу жобаларын кеңейту;
• Екі халық арасындағы өзара түсіністікті нығайтуға бағытталған мәдени өзара іс-қимыл платформаларын құру.

✨ Елші мырзаның сөзіне ерекше назар аударылды, ол Қазақстанның «Бір белдеу – бір жол» бастамасы аясындағы маңызды рөлін және қытай тілінің жастар үшін маңыздылығын атап өтті.
«Қытай мен Қазақстан – географиялық тұрғыдан ғана емес, білім беру және мәдени бастамалар арқылы да байланысқан жақсы көршілер. Бұл байланыстар оқыту, тәжірибе алмасу және халықтарымыз арасындағы достықты нығайту мүмкіндіктерін ашады», – деді ол.

🔹 Сонымен қатар, университет президенті делегация мүшелеріне студенттер үшін дәрістер ұйымдастыруды ұсынды. Бұл білім алушылардың білімдерін тереңдетіп, жаңа идеялармен шабыттануына мүмкіндік береді.

📕 Елші университетке жоғары білім беру саласындағы қытай-қазақстандық ынтымақтастықты дамытуға қосқан үлесі үшін алғыс айтып, Қазақстанда BLCU филиалының ашылуының тарихи маңызын атап өтті. Бұл филиал идеялар, білім және мәдени құндылықтармен алмасу алаңына айналды.

🔗 Кездесу студенттер мен оқытушылар үшін маңызды оқиға болып, оларды жаңа жетістіктерге және халықаралық байланыстарды нығайтуға шабыттандырды. BLCU Kazakhstan түлектері болашақта қытай және қазақстандық білім берудің артықшылықтарын біріктіріп, халықтар арасындағы достық елшілері мен білім, ғылым және мәдениет саласындағы прогрестің қозғаушы күшіне айналады.

Қазақстан Республикасы Президенті Қасым-Жомарт Кемелұлы Тоқаевтың тапсырмасын жүзеге асыру және Тұрақты даму мақсаты «Сапалы білім» аясында Astana International University-де 2025 жылғы 8 қаңтардан бастап профессорлық-оқытушылық құрамға арналған «Білім берудегі жасанды интеллект» тақырыбында біліктілікті арттыру курстары басталды.

Курстар білім беру процесінде жасанды интеллект технологияларын қолдануды үйретуге бағытталған және 18 қаңтарға дейін жалғасады. Оқыту көлемі 80 академиялық сағатты қамтиды.

Сонымен қатар, бірқатар пәндердің оқу жоспарларына жасанды интеллект бойынша арнайы модуль енгізілді. Бұл модуль білім алушылар мен оқытушылардың цифрлық трансформация жағдайындағы құзыреттіліктерін дамытуға маңызды қадам болмақ.

Курстардың бірінші легінде 70 оқытушы білім алуда. Бұл шара университеттің білім беру ортасына инновацияларды енгізуге және педагогтердің кәсіби деңгейін арттыруға деген ұмтылысын көрсетеді.

Курсты Педагогикалық институттың доценті, педагогика ғылымдарының кандидаты Дәмекова Сәуле Қайроллақызы басқарады. Практикалық сабақтарды «Информатика» білім беру бағдарламасының оқытушылары өткізеді, олар жасанды интеллектті қолдану саласындағы білімдері мен тәжірибелерімен бөлісуде.

Оқытушылар жасанды интеллект мүмкіндіктерін білім сапасын арттыру үшін қалай пайдалану керектігін үйренеді. Оқытылған технологиялар мен құралдар жасанды интеллекттің жұмыс істеу принциптері мен оның білім беру қызметіндегі әлеуетін тереңірек түсінуге көмектеседі.

Курсқа қатысушылар білім беру процесіне жасанды интеллектті тиімді түрде интеграциялауға мүмкіндік беретін жаңа білім мен дағдыларға ие болады. Бұл оқыту әдістерін жаңғыртуға және цифрлық сауаттылықты дамытуға ықпал етеді.

Барлық қатысушыларға оқуда сәттілік тілейміз және алынған білімдерін практикалық қызметте жүзеге асыруды күтеміз!

2024 жылғы 14 желтоқсанда Астана қаласында өткен «Superstar Fest» халықаралық байқауы музыка мен шығармашылықтың нағыз мерекесіне айналды. Астана Халықаралық Университетінің 6В01401 «Музыкалық білім беру» мамандығының студенттері, оқытушы Базарова Аягөз Өмертаеваның шәкірттері, өз шеберліктерін, музыкаға деген сүйіспеншіліктерін көрсетіп, қазылар алқасының бірауыздан қабылдаған шешімімен жүлделі орындарға ие болды.

2-курс студенті Мирзахметова Аида фортепиано номинациясы бойынша Гран-при жүлдесін, 3-курс студенті Ермекова Айым да фортепиано номинациясы бойынша Гран-при жүлдесін иеленді.

Байқау бағдарламасы мазмұнды және алуан түрлі болды: қазіргі заманғы өңдеуде қазақстандық композиторлардың пьесалары орындалды. Студенттер тек техникасымен ғана емес, сонымен қатар сезімге толы орындауларымен көрермендерді тәнті етті, әр нотада жан жылуын жеткізе білді.

Бұл байқау студенттердің өміріндегі маңызды кезеңге айналып, өз жетістіктерін көрсетуге және құнды сыйлықтарға ие болуға мүмкіндік берді. Қазылар алқасы, педагогтар және қонақтар қатысушылардың бағдарламасын жоғары бағалады.

Бұл байқау сол күнгі залда болғандардың барлығының есінде үйлесім мен жылулыққа толы сиқырлы сәт ретінде сақталады.

2024 жылғы 28 желтоқсанда Экономика жоғары мектебінде "AIU BUSINESS INNOVATION" инкубациялық бағдарламасының 4-ші Demo Day іс-шарасы өтті. Бұл шара бизнес-инкубатор ұйымдастырған. Бағдарламаға 20 стартап қатысса да, финалға тек 12 жоба өтті. Қатысушылар бір ай бойы бизнес-идеяларды құру, кәсіпкерлік негіздері, қаржылық модельдер, бизнес-жоспар құру және питчинг жүргізу бойынша білім алды.

Demo Day барысында финалистер өз жобаларын сарапшыларға ұсынды, олардың арасында "НАРИ QazInnovations" АҚ, "Атамекен" Ұлттық кәсіпкерлер палатасы және Астана бизнес қауымдастығының өкілдері болды. Жобалар түрлі салаларды қамтыды: пайдалы безглютенді тағамдар өндірісінен бастап мобильді қосымшалар жасауға дейін.

Іс-шара аяқталғаннан кейін барлық қатысушылар сертификаттар алды, олар өз бизнес-идеяларын жүзеге асыру үшін 20 млн теңгеге дейінгі гранттық қаржыландыру байқауына өтініш бере алады. Бұл – жаңа кәсіпкерлер үшін өз идеяларын іске асыруға тамаша мүмкіндік.

Инкубациялық бағдарламаның түлектеріне сәттілік тілейміз!

Әр жылы Қазақстан Республикасының Энергетика министрлігі, ТОО «PSA»,

НКОК Н.В., «КПО Б.В.» және «KAZENERGY» Ассоциациясы арасында

жасалған ынтымақтастық меморандумы аясында Солтүстік Каспий және

Қарашығанақ жобалары бойынша оқыту ақысын төлеу үшін үміткерлерді

іріктеу жүргізіледі.

2024-2025 оқу жылына стипендиаттар болып «Қаржы» білім беру

бағдарламасының студенттері Нұртазина Лаура Қуанышбайқызы мен Әкімбек

Нурикамал Жанайдарқызы, «Менеджмент» білім беру бағдарламасының

студенті Әбілханов Алмас Абзалұлы, «Экономика» білім беру

бағдарламасының студенті Ержан Асылым Нұркенқызы таңдалды

(https://www.kazenergy.com/upload/document/education/list_2024.pdf).

Құттықтаймыз және сіздерге жаңа жетістіктер мен табыс тілейміз!

«Қаржы» білім беру бағдарламасы бойынша Экономика жоғары мектебінің

студенттері Ешмұқанов Үсен, Нұртазина Лаура және «Менеджмент» білім беру

бағдарламасы бойынша Искакова Диляра, Қарабаева Аяулым «Жылдың ең үздік

студенті» республикалық конкурсында жеңіске жетулерімен құттықтаймыз!

Сіздерге жаңа жетістіктер мен табыс тілейміз!

Құрметті әріптестер!

Сіздерді Жаңа 2025 жылмен шын жүректен құттықтаймын! Бұл жыл біздің университет үшін маңызды жетістіктермен және табыстармен толы болды, олар сіздердің еңбектеріңіз, талантыңыз бен кемелдікке ұмтылуларыңыздың арқасында мүмкін болды.

Алдағы жылы да көптеген жарқын жеңістер, шабыт және даму мүмкіндіктері сіздермен болсын. Баршаңызға мықты денсаулық, бақыт, амандық және жарқын болашақ тілеймін!

Ізгі тілекпен,
Ирсалиев Серік Азтайұлы
Astana International University Президенті

6В01401 «Музыкалық білім» мамандығының 2-курс студенті Кумарбекова Жанайым халықаралық деңгейде тамаша жетістіктерге қол жеткізді! Ол «Фортепиано» номинациясы бойынша бірден екі ірі байқаудың II дәрежелі лауреаты атанды: 2024 жылғы 28 желтоқсанда Астана қаласында өткен «Музыкалық маусым: Қыс – 2024» халықаралық музыкалық өнер байқауы мен «Christmas Music Fest» Рождестволық фестивалі.

Бұл жетістіктер Жанайымның табанды еңбегінің және оның жетекшісі, педагогика ғылымдарының кандидаты Макашова М.С.-ның кәсібилігінің арқасында мүмкін болды. Студенттің орындаушылық шеберлігін дамытуда «Музыкалық аспаптарда ойнау негіздері (фортепиано)» пәні бойынша сабақтардың маңызы зор болды.

Жанайымды лайықты марапаттарымен шын жүректен құттықтаймыз және шығармашылық табыстар мен жаңа жеңістер тілейміз!

2024-2025 оқу жылының 25 желтоқсан күні «Өсімдіктер әлемінің қыр-сыры» тақырыбында Жаратылыстану ғылымдары жоғары мектебінің аға оқытушысы, б.ғ.к Ауезова Н.С 1-курс Биология 24А оқу тобы студенттері арасында топтық сайыс ұйымдастырды.

Студенттер өз командаларын таныстырудан бастады. Келесі кезеңде әр түрлі әдістер арқылы ботаникадан білімдерін анықтауға бағытталған тапсырмаларды орындады. Сергіту кезеңінде әр түрлі ойындар (Шымылдық, Кім тапқыр) ойнатылып отырды.

Сайыстың қорытындысы бойынша студенттерге 1,2,3 дәрежелі дипломдар тапсырылды.

1 орынды «Флора Феникс» тобы иеленсе, 2 орын «Флорархия»,  3 орын «Биомания» тобына берілді.

Сайыс білім мен шығармашылықтың, ынта мен ізденістің ұштасқан алаңы болды. Қатысушылар өсімдіктер әлемінің біршама қыр-сырын игеріп, табиғатқа деген сүйіспеншілік пен құрметтерін көрсете білді.

2024 жылғы 4 желтоқсанда университетіміздің Өнер және гуманитарлық ғылымдар жоғары мектебінде «Психология апталығының» салтанатты ашылуы өтті. Бұл іс-шараны «Психология» білім беру бағдарламасының студенттері, Нұршат Жұматқызы Жұматова жетекшілігімен ұйымдастырды. Бұл оқиға шын мәнінде шығармашылық, ғылым және бірліктің мерекесіне айналып, барлық қатысушыларға жарқын әсерлер сыйлады.

Іс-шараның басталуы жаңа «Психологиялық зертхананың» ашылуымен белгіленді. Символикалық рәсімді Өнер және гуманитарлық ғылымдар жоғары мектебінің деканы Ыбырай Саят Баймұратұлы жүргізіп, зертхана ғылыми зерттеулер мен білім беру жобалары үшін маңызды алаң болатынын атап өтті.

Келесі кезеңде мерекелік концерт өтті, онда студенттер өздерінің дарындарын көрсетті. Бағдарламада:

• Ұлттық қазақ билері мен заманауи хореографиялық нөмірлерді қамтитын би қойылымдары;

• Гитарамен орындалған әндерден вокалды дуэттер мен аспаптық композицияларға дейінгі музыкалық орындаулар;

• Әртүрлі курс студенттерін шығармашылық қойылымдарда біріктірген жарқын флешмобтар болды.

Әрбір қойылым қатысушылардың жоғары деңгейдегі дайындықтары мен шығармашылық қабілеттерін көрсетті. Концерт олардың көпқырлы таланттарының жарқын көрінісіне айналып, көрермендерге жылы атмосфера мен шабыт сыйлады.

Іс-шараны жүргізушілер Темірлан Сванкулов пен Бөребаева Назерке кәсіби түрде ұйымдастырып, мерекелік және шабыттандыратын атмосфераны жасады. Концертті аяқтай отырып, Темірлан қонақтар мен «Психология» білім беру бағдарламасының профессорлық-оқытушылық құрамын сөз сөйлеуге шақырды. Өз сөздерінде қонақтар іс-шараның жоғары деңгейде ұйымдастырылғанын, студенттердің дарынды өнер көрсеткенін және осындай бастамалардың университеттің дамуы мен психология ғылымын насихаттау үшін маңызды екенін атап өтті.

Бұл жылы сөздер бай және шабыттандыратын күннің соңғы аккордына айналып, барлық қатысушыларға оң эмоциялар сыйлап, «Психология апталығының» жарқын бастамасына айналды.

Бұл керемет іс-шараны ұйымдастырған және қатысқан студенттерге алғысымызды білдіреміз! Апта бойы өткен мастер-класстар, лекциялар және ғылыми кездесулер студенттер мен оқытушылардың үлкен қызығушылығын тудырды. Іс-шаралар білімдерін кеңейтіп, тәжірибемен бөлісуге және университетаралық қауымдастықтағы өзара іс-қимылды нығайтуға көмектесті.