Әулие Климент Охридский атындағы София университеті

2026/2027 оқу жылына арналған ағылшын тіліндегі «Экоменеджмент» бірлескен болгар-қазақстандық магистрлік бағдарламасына (екі диплом беру: София университеті және Астана халықаралық университеті) қабылдау шарттары Астана халықаралық университетіне (AIU) қабылданған студенттер үшін: 2026 жылғы 30 қыркүйекке дейін: AIU деканының қолы қойылған студенттердің ресми тізімі және бірлескен магистратураға қабылдау туралы бұйрық ұсынылуы қажет. Тізім мен жоғары білім туралы заңдастырылған құжаттардың негізінде студенттер София университетіне қабылданып, Болгария Республикасы Білім және ғылым министрлігінің тізіліміне енгізіледі. 2026 жылғы 30 қазанға дейін: София университетінің мандатына сәйкес логистика, құжаттарды рәсімдеу және әкімшілік қолдау көрсету мақсатында бірлескен магистратураның үйлестірушісі «Предтечи БГ» ұйымымен келісімшартқа қол қою қажет. Келісімшарт бойынша төлем студент тарапынан «Предтечи БГ» ұйымының банктік шотына аударылады. 2026 жылғы 10 қарашаға дейін: Студенттер Білім және ғылым министрлігінің тізіліміне енгізу және жоғары білімді тану рәсімі үшін келесі құжаттарды ұсынуы тиіс: 1. Жоғары білім туралы дипломның түпнұсқасы мен нотариалды куәландырылған түрлі-түсті көшірмесі (PDF форматында). 2. Диплом қосымшасының (бағалар көрсетілген) түпнұсқасы мен нотариалды куәландырылған түрлі-түсті көшірмесі, сондай-ақ пәндер бойынша академиялық жүктеме туралы мәліметтер (PDF форматында). 3. Егер аты-жөні өзгерген болса, оны растайтын құжаттың нотариалды куәландырылған түрлі-түсті көшірмесі. 4. Жоғары білімді тану туралы толтырылған өтініштің скан-көшірмесі (PDF форматында). 5. Толтырылған декларацияның скан-көшірмесі (PDF форматында). 6. 3.8-үлгідегі сауалнаманың скан-көшірмесі. 7. Шетелдік паспорттың скан-көшірмесі. 1, 2 және 3-тармақтардағы құжаттар Болгарияда аударылып, заңдастырылады. Жоғары білімді тану рәсімі үшін София университетіне төленетін әкімшілік алым – 140 еуро. Аудару және заңдастыру құны диплом мен қосымшаның мәтініне байланысты. Егер диплом қазақ тілінде болса, алдымен Қазақстанда орыс немесе ағылшын тіліне аударылып, нотариалды куәландырылуы қажет. Қазақша және аударылған мәтіндердің сәйкестігі міндетті. Шамамен құны – мәтін көлеміне байланысты 260 еуродан бастап. ӨТЕ МАҢЫЗДЫ! Барлық көшірмелер түрлі-түсті және жоғары сапалы болуы тиіс. Желтоқсан–қаңтар: Дайындалған құжаттарды қабылдау және София университеті ректорының студентті қабылдау туралы бұйрығын рәсімдеу. 16 ақпанға дейін: Студент пен София университеті арасында келісімшартқа қол қойылып, көктемгі семестр үшін оқу ақысы (900 евро) төленуі тиіс. Қаржылық шарттар: Қысқы семестрдің құны – 900 евро (София университетіне қабылданғаннан кейін аударылады). Қабылданғанға дейін: • Құжаттарды рәсімдеу және академиялық қолдау – 50 евро; • София университетінде құжаттарды өңдеу – 26 евро; • Жоғары білімді тану рәсімі: – аудару және заңдастыру – 260 евродан бастап; – әкімшілік алым – 140 евро. Бірінші семестр аяқталып, емтихан сессиясынан кейін студенттер екінші семестр үшін София университетінің банктік шотына 900 еуро төлейді