2024 жылдың 26 сәуірінде Астана халықаралық университетінде Жер күніне арналған бірінші университетаралық экологиялық пікірсайыс өтті.
Дебатқа С.Сейфуллин атындағы Қазақ агротехникалық зерттеу университетінің, Л.Н. Гумилев атындағы Еуразия ұлттық университетінің, Қ.Құлажанов атындағы Қазақ технология және бизнес университетінің және Астана Халықаралық университетінің студенттері қатысты.
Пікірсайыс көпшілік алдында сөйлеу, сыни ойлау, тиімді қарым-қатынас, дәлелдеу және т.б. сияқты маңызды жұмсақ дағдыларды (soft skills) дамытады. Бұл дағдылар күнделікті өмірде де, болашақ кәсіби ортада да қажет.
Студенттер Қазақстан үшін ең өзекті экологиялық тақырыптарды талқылады: Қазақстанда атом электр станциясының құрылысы, Қазақстандағы киіктердің санын реттеу және қайта өңдеу төлемдері. 4 университеттен келген қазылар алқасының мүшелері пікірсайыс жеңімпазы ретінде Астана халықаралық университетінің командасын анықтады. 2-орынды ҚазҰТБ командасы иеленсе, 3-орынды ЕҰУ мен ҚазАТЗУ командалары өзара бөлісті.
Дебатшыларды құттықтаймыз және белсенді қатысқандарыңыз үшін алғыс айтамыз!