Физика-математика пәндері және информатика кафедрасы – Астана халықаралық университеті Педагогикалық институтының құрылымдық бөлімшесі болып табылады және физика, математика мен информатика салалары бойынша жоғары білікті педагог кадрларды даярлауды жүзеге асырады.
Кафедра 2025 жылғы 22 қыркүйекте Астана халықаралық университеті ректорының бұйрығы негізінде педагогикалық білім беру жүйесін жетілдіру, ғылыми-зерттеу қызметін дамыту және Қазақстан Республикасы білім беру ұйымдары үшін бәсекеге қабілетті мамандар даярлау мақсатында құрылды.
Кафедра заманауи білім беру талаптарына сай тиімді жұмыс істей алатын және кәсіби қызметінде инновациялық тәсілдерді енгізуге қабілетті жоғары білікті педагог кадрларды даярлауға бағытталған білім беру, ғылыми және әдістемелік қызметті жүзеге асырады.
Кафедра меңгерушісі болып Ресей Федерациясының физика-математика ғылымдарының кандидаты, PhD, Қазақстан Республикасы Ғылым және жоғары білім саласындағы қауымдастырылған профессоры Нұркенов Серік Амангелдіұлы тағайындалған. Ол «Болашақ» халықаралық стипендиялық бағдарламасының түлегі және «Қазақстанның 100 жаңа есімі» ұлттық жобасының «Ғылым» номинациясы бойынша жеңімпазы (2018 жыл).
Кафедра меңгерушісінің жетекшілігімен кафедра білім беру бағдарламаларын, ғылыми-зерттеу жобаларын белсенді түрде дамытып, Қазақстанның және шетелдердің жетекші білім беру және ғылыми ұйымдарымен ынтымақтастық орнатуда.
Физика-математика пәндері және информатика кафедрасының миссиясы – терең пәндік білімге, заманауи педагогикалық құзыреттерге, ғылыми-зерттеу дағдыларына ие және білім беру үдерісінде цифрлық технологиялар мен жасанды интеллект құралдарын тиімді қолдана алатын, жоғары білікті, бәсекеге қабілетті әрі әлеуметтік жауапты физика, математика және информатика мұғалімдерін даярлау.
Кафедра білім беруді цифрлық трансформациялау жағдайында жұмыс істеуге дайын, STEM-білім беруді дамытуға, оқытудың инновациялық әдістерін енгізуге және оқу сапасын арттыру, сыни ойлауды дамыту мен білім алушыларды XXI ғасыр сын-қатерлеріне дайындау мақсатында жасанды интеллект технологияларын қолдануға қабілетті жаңа буын педагогтерін қалыптастыруға ұмтылады.
Кафедра қызметі білім алушылардың сапалы іргелі және кәсіби даярлығын қамтамасыз етуге, аналитикалық ойлауын, зерттеушілік құзыреттерін, цифрлық сауаттылығын және кәсіби қызметте заманауи ақпараттық технологияларды пайдалану дағдыларын қалыптастыруға бағытталған.
Кафедраның
негізгі міндеттері:
• физика, математика, информатика және ақпараттық технологиялар салаларында
білім беру бағдарламаларын іске асыру;
• инновациялық білім беру технологиялары мен цифрлық оқыту құралдарын енгізу;
• оқытушылар мен білім алушылардың ғылыми-зерттеу қызметін дамыту;
• білім, ғылым және практиканы интеграциялау;
• жетекші білім беру және ғылыми ұйымдармен халықаралық ынтымақтастықты дамыту;
• білім алушыларды қоғамның цифрлық трансформациясы жағдайындағы кәсіби
қызметке даярлау.
Кафедраның профессорлық-оқытушылық құрамы ғылыми, педагогикалық және практикалық қызметте мол тәжірибесі бар мамандардан тұрады. Кафедра оқытушылары ғылыми зерттеулерге, халықаралық жобаларға, конференцияларға және академиялық ұтқырлық бағдарламаларына белсенді қатысады.
Кафедра білім алушылардың ғылыми әлеуетін дамытуға, оларды ғылыми-зерттеу жұмыстарына тартуға, пәндік олимпиадаларға, ғылыми байқауларға, стартап-жобаларға және халықаралық білім беру бастамаларына қатыстыруға ерекше көңіл бөледі.
Кафедраның стратегиялық мақсаты – ғылым, білім беру, ақпараттық технологиялар және инновациялық даму салаларындағы кәсіби міндеттерді тиімді шешуге қабілетті жаңа буын мамандарын даярлауды қамтамасыз ететін заманауи білім беру және ғылыми кеңістікті қалыптастыру.
